ប្រវត្តិលោកព្រឹទ្ធាចារ្យ ពេជ្រ ទុំក្រវិល
លោកព្រឹទ្ធាចារ្យ ពេជ្រ ទុំក្រវិល ដែលមានឈ្មោះដើមហៅថា ឈន ទត ជាវិរៈសិល្បៈករកម្ពុជា និងជាអតីតទីប្រឹក្សាក្រសួងវប្បធម៌ និងវិចិត្រសិល្បៈ មានឋានៈស្មើនិងរដ្ឋមន្ត្រី។ លោកបានទទួលមរណភាព ក្នុងអាយុ៧២ឆ្នាំ កាលពីវេលាម៉ោង១១ និង៣៣នាទី នាថ្ងៃសុក្រ ទី១៥ ខែឧសភា ឆ្នាំ២០១៥ ដោយសាររោគាពាធ នៅគេហដ្ឋានរបស់លោកក្នុងសង្កាត់ទួលសង្កែ ខណ្ឌឫស្សីកែវ រាជធានីភ្នំពេញ។
១.ប្រវត្តិសង្ខេប
– នាមត្រកូល និងនាមខ្លួន ពេជ្រ ទុំក្រវិល ឈ្មោះដើម ឈន ទត
– ថ្ងៃ ខែ ឆ្នាំកំណើត កើតនៅថ្ងៃទី០២ ខែមិថុនា ឆ្នាំ១៩៤៣។
– ទីកន្លែងកំណើត នៅភូមិសសី ឃុំកោះចិន ស្រុកពញាឮ ខេត្តកណ្តាល។
– ពេជ្រ ទុំក្រវិល ជាកូនរបស់លោក ជូន ឈន និងអ្នកស្រី ញ៉ូង យ៉ុម ជាកសិករ។
– សញ្ជាតិ ខ្មែរ
– សាសនា ព្រះពុទ្ធ
– ទីលំនៅបច្ចុប្បន្ន ក្នុងសង្កាត់ទួលសង្កែ ខណ្ឌឫស្សីកែវ រាជធានីភ្នំពេញ។
ប្រវត្តិរបស់លោកព្រឹទ្ធាចារ្យ ពេជ្រ ទុំក្រវិល មានខ្លឺមសារដើម ដូចខាងក្រោម ៖
- ឆ្នាំ ២០០៩៖ ទីប្រឹក្សាក្រសួង និងវិចិត្រសិល្បៈ ឋានៈស្មើ រដ្ឋមន្ត្រី
- ឆ្នាំ ២០០៣-២០០៨៖ ទីប្រឹក្សារាជរដ្ឋាភិបាល ឋានៈស្មើ រដ្ឋមន្ត្រី និងជាប្រធានក្រុមប្រឹក្សាភិបាល សាកលវិទ្យាល័យភូមិន្ទវិចិត្រសិល្បៈ
- ឆ្នាំ ២០០២៖ វរៈសិល្បៈករកម្ពុជា
- ឆ្នាំ ២០០១៖ វិញ្ញាបនប័ត្រ Palmes Academiques ក្រសួងអប់រំសាធារណរដ្ឋបារាំង
- ឆ្នាំ ២០០១៖ វិញ្ញាបនប័ត្រព្រឹទ្ធាចារ្យ វប្បធម៌សិល្បៈ រាជបណ្ឌិតសភាកម្ពុជា
- ឆ្នាំ ១៩៩៩៖ ទទួលពានរង្វាន់ជ័យលាភីលើកទី១ នៃប្រទេសកម្ពុជា ផ្នែកតែងនិពន្ធប្រចាំអាស៊ីអាគ្នេយ៍ និងជាប្រធានគណៈកម្មការស្រាវជ្រាវសិល្បៈ វប្បធម៌ប្រចាំក្រសួងវប្បធម៌និងវិចិត្រសិល្បៈ។
- ឆ្នាំ ១៩៩៨៖ អនុរដ្ឋលេខាធិការក្រសួងវប្បធម៌ និងវិចិត្រសិល្បៈ។
- ឆ្នាំ ១៩៩៧-១៩៩៨៖ ធ្វើការនៅវិទ្យុអាស៊ីសេរី ក្រុងវ៉ាស៊ីនតោន សហរដ្ឋអាមេរិច ទទួលបន្ទុកសិល្បៈ វប្បធម៌ និងប្រវត្តិសាស្ត្រកម្ពុជា។
- ឆ្នាំ ១៩៩៤-១៩៩៧៖ អគ្គនាយកអភិវឌ្ឍន៍វប្បធម៌ និងវិចិត្រសិល្បៈ។
- ឆ្នាំ ១៩៨២-១៩៩៣៖ ប្រធានយកដ្ឋានសិល្បៈ នៃក្រសួងវប្បធម៌ និងព័ត៌មាន និង ជំនាញការវប្បធម៌នៅប្រទេសឡាវ (១៩៨៤-១៩៨៥)។
- ឆ្នាំ ១៩៧៩-១៩៨១៖ អនុប្រធាននាយកដ្ឋានសិល្បៈនៃក្រសួងឃោសនាការ វប្បធម៌ និងព័ត៌មាន។
- ឆ្នាំ ១៩៧៥-១៩៧៨៖ ទាសករនៅស្រុកឧត្តុង្គ តំបន់៣២ នាសម័យ ប៉ុល ពត។
- ឆ្នាំ ១៩៦៩-១៩៧៥៖ នាដករនៅអភិរក្សមន្ទីរជាតិនៃទស្សនីយភាព និងបង្រៀននៅមហាវិទ្យាល័យសិល្បៈនាដសាស្ត្រ។
- ឆ្នាំ ១៩៦៥-១៩៦៧៖ និស្សិតមហាវិទ្យាល័យសិល្បៈនាដសាស្ត្រ នៃសាកលវិទ្យាល័យភូមិន្ទវិចិត្រសិល្បៈ។
- ឆ្នាំ ១៩៦៣-១៩៦៤៖ សិស្សនៅសាលាជាតិ ផ្នែកល្ខោន "ល្ខោនជាតិ"។
- ឆ្នាំ ១៩៦០-១៩៦៣៖ សិស្សនៅវិទ្យាស្ថានជាតិគរុកោសល្យ។
ប្រភព៖ សម្លេងសារព័ត៌មានសេរី
សួស្ដី! ខ្ញុំបាទឈ្មោះសេងលី រីករាយសំរាប់ការចូលមើលវែបសាយរបស់ខ្ញុំ សូមអរគុណ។ 
